വായിച്ചാല്‍ വിളയും, വായിച്ചില്ലെങ്കില്‍ വളയും......
കുഞ്ഞുണ്ണി
മാഷിന്റെ ഈ വരികള്‍ ഈ വായനാ
ദിനത്തില്‍ ഒരോര്‍മ്മക്കുറിപ്പായി
നമുക്ക് ചുറ്റുമുണ്ട്.
കുമാരനാശാന്‍,
വള്ളത്തോള്‍,
അയ്യപ്പപണിക്കര്‍,
ബഷീര്‍, ഒ.
വി. വിജയന്‍,
വി. കെ.
എന്‍., മാധവികുട്ടി…
അങ്ങനെ മലയാളത്തിനു വായനയുടെ
സുകൃതം പകര്‍ന്നവര്‍ നിരവധി
പേര്‍. വായന
മനുഷ്യനെ പൂര്‍ണനാക്കുന്നു.
അറിവു പകരുന്നതിനോടൊപ്പം
തന്നെ, നമ്മുടെ
സംസ്കാരത്തെ തിരിച്ചറിയാനും
വായന സഹായിക്കുന്നു.
നാം അക്ഷരങ്ങളുടെ
ലോകത്തേക്കു യാത്ര പോവുമ്പോള്‍
വിജ്ഞാനത്തിന്‍റെയും
വൈവിധ്യത്തിന്‍റെയും
വാതായനങ്ങള്‍ തുറക്കുന്ന
സംസ്കാരത്തെ നിലനിര്‍ത്താന്‍
സഹായിക്കുന്നു. കാലത്തെ
അതിജീവിച്ച് നിലകൊളളുന്നതാണ്
യഥാര്‍ത്ഥ സാഹിത്യം. ഈ
അര്‍ത്ഥത്തില്‍ വായന മരിക്കുന്നു
എന്ന ആകുലതക്ക് സ്ഥാനമില്ല.
എന്നാല്‍ ഭാഷ
മരിക്കുന്നു എന്ന ആകുലത നമ്മെ
വല്ലാതെ അലട്ടുന്നു.
മാതൃഭാഷയെ സ്നേഹിക്കാന്‍
മടിക്കുന്ന ഒരു സമൂഹം നമുക്കൊപ്പം
വളര്‍ന്നു വരുന്നുണ്ട്.
ഈ സത്യത്തെ നാം
കണ്ടില്ലെന്നു നടിച്ചിട്ടു
കാര്യമില്ല.മലയാളത്തെ സ്നേഹിക്കാനും ഭാഷയെ പറ്റി പഠിക്കുവാനും നമ്മുടെ പുതു തലമുറയെ സന്നദ്ധരാക്കണം. ഭാഷയെ തൊട്ടറിയാനും അനുഭവിച്ചറിയാനും വിവിധ തരത്തിലുള്ള മാധ്യമങ്ങളുടെ സാന്നിദ്ധ്യം നമ്മെ സഹായിക്കാന്‍ ഉണ്ടെങ്കിലും ആത്യന്തികമായി പുസ്തക വായന തന്നെയാണ് നമ്മെ സന്തോഷിപ്പിക്കുന്നത്. വര്‍ത്തമാന പത്രങ്ങള്‍ മുതല്‍ ബ്ലോഗ്‌ വരെ വായനയെ പ്രോല്സാഹിക്കാന്‍ സഹായിക്കുന്നു. സാങ്കേതിക വിദ്യ വികസിച്ചതോടെ കത്തുകളുടെ സ്ഥാനത്ത് ഇടംപിടിച്ച ഇ മെയിലുകളും ബ്ലോഗുകളും ആധുനിക തലമുറയെ വായനയോട് അടുപ്പിക്കുന്നു. ഇത് സാങ്കേതിക വിദ്യയുടെ വളര്‍ച്ചയായി മാത്രമേ കാണേണ്ടതുളളു. വായന താളിയോലകളില്‍ തുടങ്ങി പേപ്പറില്‍ നിന്നു മോണിറ്ററിലേക്കു വഴിമാറി. വരും കാല സാങ്കേതിക വിദ്യ വായന ഏതു തരത്തില്‍ നമുക്ക് മുന്നില്‍ എത്തിക്കുമെന്നു ഇപ്പോള്‍ പറയാനാവില്ലെങ്കിലും വായന മോണിട്ടറില്‍ നിന്നും മറ്റൊരു പ്രതലത്തിലേക്ക് മാറുമെന്ന വ്യത്യാസം മാത്രം.
ഭാഷയുടെ നിലനില്‍പ്പിനെ പറ്റി ചിന്തിക്കാന്‍ ഈ വായനാ ദിനം അവസരമൊരുക്കട്ടെ. കേരള ഗ്രന്ഥ ശാല സംഘത്തിന്റെ പിന്നിലെ ബുദ്ധി കേന്ദ്രവും കെ. എ. എന്‍. എഫ്. ഇ. ഡി. സ്ഥാപകനുമായ പി. എന്‍. പണിക്കരുടെ ഓര്‍മയിലാണ് കേരളം വായനാ ദിനമായി ആചരിക്കുന്നത്. വായനാ ശീലം വളര്‍ത്തുന്നതോടൊപ്പം തന്നെ പുതിയ എഴുത്തുകാരേയും പുസ്തകങ്ങളേയും പരിചയപ്പെടാന്‍ ഈ ദിവസം സഹായിക്കട്ടെ.
വായനാദിനവുമായി ബന്ധപ്പെട്ട് സ്കൂളില്‍ നടത്തിയ ചില പ്രവര്‍ത്തനങ്ങളിലേക്ക്....
സ്കൂള്‍ അസംബ്ലിയില്‍ വായനാദിനത്തിന്റെ പ്രാധാന്യത്തെക്കുറിച്ച് ഹെഡ് മാസ്റ്റര്‍ ശ്രീ.പ്രകാശ് വിശദീകരിച്ചു.
തുടര്‍ന്ന് കുട്ടികളും അവരുടെ അറിവുകള്‍ പങ്കുവച്ചു.
സാഹിത്യ ക്വിസ് മത്സരത്തില്‍ നിന്നും............
ഒന്നാം സ്ഥാനം- സ്വാതി 7A
രണ്ടാം സ്ഥാനം- അമൃത 7A
മൂന്നാം സ്ഥാനം- നയന 7A
പ്രവര്‍ത്തനങ്ങള്‍ തുടരുന്നു........
വിജയികള്‍ക്ക് അഭിനന്ദനങ്ങള്‍........
ReplyDelete